ოთხშაბათს გამოცემა AXIOS-ისთვის მიცემულ მოკლე სატელეფონო ინტერვიუში აშშ-ის პრეზიდენტმა, დონალდ ტრამპმა განაცხადა, რომ ირანთან ომი „მალე“ დასრულდება, რადგან იქ „პრაქტიკულად აღარაფერი დარჩა მიზანში ამოსაღებად“.
„აქა-იქ რაღაცები დარჩა… ნებისმიერ დროს, როცა კი მოვისურვებ, რომ ეს დასრულდეს, დასრულდება კიდევაც“, – აღნიშნა აშშ-ის პრეზიდენტმა.
„ომი შესანიშნავად მიმდინარეობს. ჩვენ განრიგს საგრძნობლად ვუსწრებთ. იმაზე მეტი ზიანი მივაყენეთ, ვიდრე შესაძლებლად მიგვაჩნდა, მათ შორის თავდაპირველ ექვსკვირიან პერიოდშიც“, – განაცხადა ტრამპმა.
მან აღნიშნა, რომ ირანის მტრული ქმედებები ისრაელისა და აშშ-ის ფარგლებს გასცდა და რეგიონის ქვეყნებზეც ვრცელდება.
„ისინი ახლო აღმოსავლეთის დანარჩენ ნაწილსაც უმიზნებდნენ. ახლა კი იმ 47-წლიანი სიკვდილისა და ნგრევისთვის აგებენ პასუხს, რომელიც თავადვე გამოიწვიეს. ეს სამაგიეროს გადახდაა. ისინი ასე იოლად ვერ დააღწევენ თავს“, – დასძინა მან.
