ჩვენ, სახმელეთო ოპერაციის გარდა, არ გვაქვს ირანის ბირთვული პროგრამის განადგურების არანაირი შესაძლებლობა, – განაცხადა ამერიკელმა სენატორმა კრის მერფიმ ადგილობრივი მედიის ეთერში.
მისი თქმით, პრეზიდენტ ტრამპს კონგრესისთვის ომის ნებართვის ასაღებად რომ მიემართა, დიდი ალბათობით ამ ნებართვას ვერ მიიღებდა.
„ახლახან დავბრუნდი ირანის საკითხზე გამართული ორსაათიანი დახურული ბრიფინგიდან. ამან მხოლოდ განამტკიცა ჩემი მოსაზრება იმის შესახებ, რომ სიტუაცია აბსოლუტურად არათანმიმდევრულია. ჩვენ ვერ შევძლებთ ჩვენ მიერ დასახული მიზნების მიღწევას.
და ჯერ კიდევ არ მოგვისმენია სრული განმარტება, თუ რატომ არის ეს ომი აუცილებელი.
საჯარო მოსმენები ალბათ ამიტომ არ ჩატარდა, რომ თუ პრეზიდენტი ტრამპი კონსტიტუციის მიხედვით მოიქცეოდა და კონგრესს ომის ნებართვისთვის მიმართავდა, დიდი ალბათობით ის ამ ნებართვას ვერ მიიღებდა.
ირანის ბირთვული პროგრამის ჰაერიდან განადგურება ფაქტობრივად შეუძლებელია, რადგან მისი დიდი ნაწილი მიწისქვეშ მდებარეობს, ამის ერთადერთი გზა სახმელეთო ოპერაციაა, რაც კიდევ უფრო კატასტროფული და ნაკლებად პოპულარული ნაბიჯი იქნება”, – განაცხადა კონგრესმენმა.
