დიდი ბრიტანეთი ჰორმუზის სრუტის ბლოკირებით გამოწვეული კრიზისის შესამსუბუქებლად, რუსეთისთვის სანავთობო სანქციების დროებით მოხსნის გადაწყვეტილებას არ ეთანხმება და აცხადებს, რომ სრუტის გახსნისთვის მოკავშირეებთან ერთად გამოსავალს ეძებს. განცხადება გაერთიანებული სამეფოს ენერგეტიკის მინისტრმა ედ მილიბანდმა Sky News-ის ეთერში გააკეთა.
„ჩვენ გვინდა სრუტის ხელახლა გახსნისთვის მოკავშირეებთან ერთად ვიმუშაოთ. არსებობს რიგი ზომები, რომელთა გატარებაც შეიძლება, მათ შორის ნაღმების საძიებო ავტონომიური აღჭურვილობის გამოყენება. სრუტის გახსნა ყველას საერთო ინტერესშია. ვფიქრობ, ამის საუკეთესო საშუალება დეესკალაციაა. რაც შეეხება სანავთობო კრიზის, ამ მიზნით რუსეთისთვის სანქციების დროებით შეჩერებას არ ვიზიარებთ და ამიტომაც სანქციებს ძალაში ვტოვებთ“, – განაცხადა მილიბანდმა.
