საპარლამენტო პოლიტიკური ჯგუფის “ევროპელი სოციალისტები“ თავმჯდომარის, ლადო ბოჟაძის განცხადებით, ამ ოთხი წლის განმავლობაში, საქართველოს უსამართლოდ ექცეოდა ევრობიუროკრატია, უსამართლოდ ექცეოდნენ სხვადასხვა ქვეყნის ლიდერები და ამის მიზეზი ის პრაგმატული პოლიტიკა იყო, რომელიც საქართველოსთან მიმართებაში გატარდა.
ბოჟაძის თქმით, როდესაც ევრობიუროკრატია საქართველოს კიცხავდა რუსეთთან ეკონომიკური ურთიერთობების შენარჩუნების გამო, ახლა აღმოჩნდა, რომ ევრობიუროკრატია მზად არის პუტინთან მოლაპარაკებებისთვის.
“მთელი ამ ოთხი წლის განმავლობაში, საქართველოს უსამართლოდ ექცეოდა ევრობიუროკრატია, უსამართლოდ ექცეოდნენ სხვადასხვა ქვეყნის ლიდერები და ამის მიზეზი სწორედ ის პრაგმატული პოლიტიკა იყო, რომელიც ჩვენ შევიმუშავეთ ჩვენ ქვეყანასთან მიმართებაში. არ დავაწესეთ ორმხრივი სანქციები, არ გავწყვიტეთ ეკონომიკური ურთიერთობები, არ დავაზიანეთ ჩვენი სახელმწიფოს და ხალხის ინტერესები და ახლა, აღმოჩნდა, რომ ევრობიუროკრატია მზად არის პუტინთან მოლაპარაკებებისთვის. ცალკეული სახელმწიფოს ლიდერები მზად არიან ორმხრივი შეხვედრები გამართონ. აქაც, კიდევ ერთხელ გამოჩნდა მათი უპრინციპო დამოკიდებულება, მაგრამ ყველაზე მთავარია, რომ კიდევ ერთხელ დადასტურდა ის უსამართლო დამოკიდებულება, რომელიც ამდენი წლის განმავლობაში ჰქონდათ ჩვენს ქვეყანასთან მიმართებაში”, – განაცხადა ლადო ბოჟაძემ.
