აშშ-ის პრეზიდენტის, დონალდ ტრამპის განცხადებით, შეერთებულმა შტატებმა, შესაძლოა, ესპანეთთან სავაჭრო ურთიერთობები გაწყვიტოს.
ტრამპი აცხადებს, რომ მადრიდი ვაშინგტონთან არ თანამშრომლობს.
„ვფიქრობ, ესპანეთი საერთოდ არ თანამშრომლობს. ვფიქრობ, რომ ისინი ძალიან ცუდად იქცევიან. ჩვენ, შესაძლოა, ესპანეთთან ვაჭრობა შევწყვიტოთ“, – განუცხადა ტრამპმა ჟურნალისტებს და დასძინა, რომ ოფიციალური მადრიდი „ძალიან ცუდად ეპყრობა ნატოს“ და არ სურს “თავისი წილის გადახდა“.
ცნობისთვის, ესპანეთმა ამერიკას ირანზე თავდასხმისთვის სამხედრო ბაზების გამოყენების უფლება არ მისცა. პარალელურად კი ესპანეთის საგარეო საქმეთა მინისტრმა განაცხადა, რომ დონალდ ტრამპის სავაჭრო მუქარის მიუხედავად, ორი ქვეყნის დიპლომატიური ურთიერთობა ჩვეულებრივი რეჟიმით გრძელდება.
