ივანიშვილმა აბასთუმნის თავზე ცა დაკეტაო,- საკუთარ წყაროებზე, ნაკადულებსა და ღელეებზე დაყრდნობით იუწყება ,,რადიო თავისუფლება”. მართალია, მეცნიერები აცხადებენ, ასტროფიზიკური ობსერვატორიის თავზე თვითმფრინავების ფრენა ჩვენს საქმიანობას უშლის ხელს და ავიამარშრუტის ცვლილება ჩვენი თხოვნა და რეკომენდაცია იყოო, მაგრამ, აბა, ,,რადიო თავისუფლებას”, ტელეკომპანია ,,მეორეხარისხოვანსა” და ,,ტვ უკანასკნელს” ეს რაში აინტერესებთ? – წერს X-ზე ჟურნალისტი ჯაბა ხუბუა.
ხუბუა სარკაზმით იხსენებს ოპოზიციის მიერ ყველაფრის ბიძინა ივანიშვილისთვის დაბრალების ფაქტს და წერს – “აინშტაინის პერიფრაზით რომ ვთქვათ, ნაცისტანის უხალხო რესპუბლიკაში ორი რამ არის უსასრულო – სამყარო და ყველაფრის ბიძინასათვის დაბრალება”.
“ივანიშვილმა აბასთუმნის თავზე ცა დაკეტაო,- საკუთარ წყაროებზე, ნაკადულებსა და ღელეებზე დაყრდნობით იუწყება ,,რადიო თავისუფლება”. მართალია, მეცნიერები აცხადებენ, ასტროფიზიკური ობსერვატორიის თავზე თვითმფრინავების ფრენა ჩვენს საქმიანობას უშლის ხელს და ავიამარშრუტის ცვლილება ჩვენი თხოვნა და რეკომენდაცია იყოო, მაგრამ, აბა, ,,რადიო თავისუფლებას”, ტელეკომპანია
,,მეორეხარისხოვანსა” და ,,ტვ უკანასკნელს” ეს რაში აინტერესებთ?
და მარტო ცის დაკეტვაა ბიძინას ბრალი? ვინ არის დამნაშავე იმაში, წელს გაზაფხულის სითბო საეჭვოდ რომ იგვიანებს? მაჰუმდი, მაჰმუდი… უკაცრავად, ბიძინა, ბიძინა! ვინ არის მიზეზი, რომ მიზეზ-მიზეზ დოს მარილი აკლია? რა თქმა უნდა ბიძინა! ვისი ბრალია, რომ ადრე ამდგარ კურდღელს მწევარი ვერ დაეწია და პარასკევ დღეს კატა ძეხვს ვერ შესწვდა? რასაკვირველია, ბიძინასი!
მერაბ სეფაშვილის სიმღერაში რომ ფრაზაა – ,,ყველაფერში დამნაშავე შენა ხარ” – მანდაც ბიძინა იგულისხმება და სტენდალის ,,წითელი და შავში” წითელიც ბიძინაა და შავიც ბიძინაა.
მოკლედ, აინშტაინის პერიფრაზით რომ ვთქვათ, ნაცისტანის უხალხო რესპუბლიკაში ორი რამ არის უსასრულო – სამყარო და ყველაფრის ბიძინასათვის დაბრალება, თუმცა პირველში მთლად ბოლომდე დარწმუნებული არ ვარ,”- წერს ჯაბა ხუბუა.
