მე ვიგებ ომს, დიდი უპირატესობით, ყველაფერი ძალიან კარგად მიდის, – განაცხადა აშშ-ის პრეზიდენტმა, დონალდ ტრამპმა.
„ჩვენი სამხედროები საოცრად მოქმედებენ, თუმცა, „ყალბ ამბებს“ თუ წაიკითხავთ – როგორიცაა წარუმატებელი New York Times-ი, აბსოლუტურად საშინელი და გულისამრევი Wall Street Journal-ი, ან ახლა უკვე თითქმის უფუნქციო (საბედნიეროდ) Washington Post-ი – თქვენ ნამდვილად იფიქრებდით, რომ ომს ვაგებთ. მტერი დაბნეულია, რადგან ისინიც კითხულობენ მედიის ამ „რეპორტაჟებს“, თუმცა ამავდროულად აცნობიერებენ, რომ მათი ფლოტი სრულად განადგურებულია, მათი სამხედრო-საჰაერო ძალები გადამალულია, მათ აღარ აქვთ ანტისარაკეტო თუ საზენიტო აღჭურვილობა, მათი ყოფილი ლიდერების უმეტესობა კი აღარ არის (ეს ყველაფერთან ერთად, რეჟიმის ცვლილებაც იყო!). და რაც, შესაძლოა, ყველაზე მნიშვნელოვანია – ბლოკადა, რომელსაც არ მოვხსნით, სანამ არ იქნება „გარიგება“, აბსოლუტურად ანადგურებს ირანს“, – აღნიშნა ტრამპმა.
„ისინი [ირანელები] დღეში 500 მილიონ დოლარს კარგავენ, რაც წარმოუდგენელი ციფრია და რისი გაძლებაც მოკლევადიან პერსპექტივაშიც კი შეუძლებელია. ანტიამერიკული „ყალბი ამბების“ მედია ირანის გამარჯვებას გულშემატკივრობს, მაგრამ ეს არ მოხდება, რადგან სათავეში მე ვარ! ზუსტად ისევე, როგორც ეს არაპატრიოტი ხალხი თავისი შეზღუდული ძალების ყოველ ნაწილაკს ჩემ წინააღმდეგ არჩევნებში საბრძოლველად იყენებდა, ისინი ახლაც იმავეს აგრძელებენ ირანთან მიმართებით. შედეგი იგივე იქნება“, – დასძინა მან.
