საქართველოში აშშ-ის საელჩოს ინფორმაციით, თბილისში ამერიკის კონგრესის თანამშრომელთა დელეგაცია ჩამოვიდა.
როგორც საელჩოს მიერ გავრცელებულ ინფორმაციაშია აღნიშნული, კონგრესის თანამშრომლები საქართველოს ოფიციალურ პირებსა და ოპოზიციის წარმომადგენლებს შეხვდებიან.
„მოხარულები ვართ ვუმასპინძლოთ კონგრესის თანამშრომელთა დელეგაციას საქართველოში! რეგიონული ვიზიტის ფარგლებში, დელეგაციის წევრები შეხვდებიან საქართველოს ოფიციალურ პირებსა და ოპოზიციის ლიდერებს. ასევე, ეწვევიან დევნილთა დასახლებას წეროვანში, რათა გაეცნონ საქართველოში არსებულ ვითარებას“, – აღნიშნულია ამერიკის დიპლომატიური წარმომადგენლობის მიერ გავრცელებულ ინფორმაციაში.
