ვინ არის ასავალ/დასავალის ჟურნალისტი დომენტი (დიტო) ჩუბინიძე, რომელიც საზოგადოების ყურადღების ცენტრში განსაკუთრებით მას შემდეგ ექცევა, რაც ყოფილი პრემიერი, პატიმარი ირაკლი ღარიბაშვილი მის მიერ გამოქვეყნებულ წერილებში ახსენებს.
მედიაში მის გარშემო ატეხილი აჟიოტაჟი გარკვეულ კითხვებს აჩენს. ჩვენთვის ცნობილი ხდება, რომ ბოლო ერთი წლის განმავლობაში ჩუბინიძე მუდმივად ცხოვრობს რეგისტრაციის მისამართზე, სადაც ეწევა კარჩაკეტილ ცხოვრებას. არსებული ინფორმაციით, დიტო ჩუბინიძის ყოფილ მეუღლეს დაძაბული ურთიერთობა ჰქონდა ჩუბინიძის დედასთან, მათ შორის არსებული უთანხმოება კი პერიოდულად იძენდა ოჯახური კონფლიქტის სახეს. მეზობლების მიერ ჩვენთვის მოწოდებული ინფორმაციით აღნიშნული კონფლიქტების ფონზე ჩუბინიძესა და მის მეუღლეს შორის არაერთხელ ჰქონდა ადგილი ფიზიკურ დაპირისპირებას რა დროსაც, დიტო ჩუბინიძე მეუღლის მიმართ ახორციელებდა ძალადობრივ ქმედებებს. ახლობლებთან ჩუბინიძე განმარტავდა, რომ ყოფილ მეუღლეს მისგან მხოლოდ და მხოლოდ ფინანსური დახმარება სჭირდება და საკუთარ შვილებსაც უბიძგებს, რომ მამასთან მხოლოდ მსგავსი ტიპის ურთიერთობა ჰქონდეთ.
ამასთან, აღსანიშნავია მისი დამოკიდებულება შვილების მიმართ. ნათესავის ინფორმაციით, რამდენიმე ხნის წინ დიტო ჩუბინიძემ ერთ-ერთი შვილისთვის მობილური ტელეფონი შეიძინა, რის შემდგომაც ცდილობდა მათთან უფრო მეტად დაახლოებას, თუმცა მისი შვილები არ ითვალისწინებენ მამის რჩევებს და მოთხოვნებს, რის გამოც ჩუბინიძე სიტყვიერად უპირისპირდება და ერთ-ერთი მსგავსი დაპირისპირების შემდეგ, ის საკუთარი არასრულწლოვანი შვილებისგან შეძენილი მობილური ტელეფონის უკან დაბრუნებას ითხოვდა.
ასევე, საყურადღებოა, რომ დომენტი ჩუბინიძეს ახლო მეგობრული ურთიერთობა გააჩნდა პოლიციელების მკვლელობის გამო უვადო პატიმრობა მისჯილ შალვა აბულაძესთან. ცნობილია, რომ 2014 წელს, დიტო ჩუბინიძე, ,,ქრონიკა +“-ის იურიდიულ სამსახურის ხელმძღვანელ არჩილ ჩუბინიძესთან და შალვა აბულაძესთან ერთად იმყოფებოდა ბორჯომში ჩატარებულ ერთ-ერთ საპროტესტო აქციაზე.
ოჯახური კონფლიქტები, ძალადობის შესახებ ბრალდებები, კარჩაკეტილი ცხოვრების წესი და მძიმე დანაშაულში მსჯავრდებულთან ახლო კავშირები იმ კითხვების მცირე ჩამონათვალია, რომლებიც დიტო ჩუბინიძის ფიგურის გარშემო ჩნდება. შესაბამისად, ჩნდება კითხვა, რამდენად ანგარიშგასაწევი და სარწმუნოა ის ინფორმაციები, რომლებსაც ჩუბინიძე ავრცელებს.
