Reuters-ის დაკვეთით კომპანია Ipsos-ის მიერ ჩატარებული სოციოლოგიური კვლევის მიხედვით, ამერიკელების უმეტესობა ფიქრობს, რომ აშშ-ის პრეზიდენტი, დონალდ ტრამპი ირანში სახმელეთო ოპერაციის დაწყების ბრძანებას გასცემს, თუმცა მას ცოტა ვინმე უჭერს მხარს.
გამოკითხვის შედეგების მიხედვით, ამერიკელების 65% ფიქრობს, რომ ტრამპი ირანში ჯარების შეყვანის ბრძანებას გასცემს, თუმცა სახმელეთო ოპერაციას გამოკითხულთა მხოლოდ 7% უჭერს მხარს.
გამოკითხვის შედეგად გაიზომა ტრამპის რეიტინგიც. ის პრაქტიკულად უცვლელი დარჩა. ტრამპს გამოკითხულთა 40% უჭერს მხარს. დაახლოებით იგივე მაჩვენებელი იყო 28 თებერვალს, ირანში საომარი მოქმედებების დაწყებისთანავე ჩატარებული კვლევისას.
გამოკითხვაში მონაწილეობა 1 545 ადამიანმა მიიღო. ცდომილება 3% შეადგენს.
