დონალდ ტრამპმა კიდევ ერთხელ გააკრიტიკა აშშ-ის მოკავშირეები, რომლებიც ირანში მიმდინარე სამხედრო ოპერაციაში არ ჩაერთნენ. მორიგი განცხადება აშშ-ის პრეზიდენტმა საკუთარ სოციალურ ქსელში Truth Social გამოაქვეყნა და ქვეყნებს ჰორმუზის სრუტეში მისვლის და საწვავის „აღებისკენ“ მოუწოდა.
„ყველა იმ ქვეყანას, რომელიც ჰორმუზის სრუტის გამო ვერ იღებს საწვავს, მაგალითად, გაერთიანებულ სამეფოს, რომელმაც უარი თქვა ირანის ხელისუფლებისთვის თავის მოკვეთის ოპერაციაში მონაწილეობაზე – თქვენთვის შემოთავაზება მაქვს: ნომერი 1: იყიდეთ აშშ-სგან, ჩვენ ბევრი გვაქვს. ნომერი 2: მოიკრიბეთ ცოტაოდენი დაგვიანებული გამბედაობა, მიდით სრუტესთან და უბრალოდ წაიღეთ!
მოგიწევთ ისწავლოთ საკუთარი თავისთვის ბრძოლა, აშშ აღარ იქნება იქ თქვენს დასახმარებლად, ისევე როგორც თქვენ არ იყავით ჩვენ გვერდით. ირანი, ფაქტობრივად, განადგურებულია. რთული საქმე უკვე გაკეთებულია. წადით და აიღეთ თქვენი საკუთარი ნავთობი!“, – წერს ტრამპი.
