საქართველოს რკინიგზის გენერალური დირექტორი ოფიციალური ვიზიტით ტაშკენტში იმყოფება.
ლაშა აბაშიძემ დღეს სამმხრივი შეხვედრა გამართა, რომელშიც აზერბაიჯანისა და უზბეკეთის რკინიგზების ხელმძღვანელები მონაწილეობდნენ.
მხარეებმა სატვირთო გადაზიდვები და გაუმჯობესებული სერვისები განიხილეს.
აღსანიშნავია, რომ საქართველოს რკინიგზის გენერალურმა დირექტორმა ხელი მოაწერა დოკუმენტს, რის ფარგლებშიც აღნიშნული ქვეყნები ასოციაციის ფარგლებში გააღრმავებენ თანმშრომლობას, რაც გააძლიერებს საქართველოს, როგორც სატრანზიტო ქვეყნის როლს, გაზრდის ტვირთნაკადების მოზიდვის პოტენციალს და ხელს შეუწყობს ევროპასა და აზიას შორის სატრანსპორტო დერეფნების განვითარებას.
როგორც აზერბაიჯანული მედია azertag.az იტყობინება, შეხვედრის დროს მხარეებმა განიხილეს ორმხრივი ინტერესის მქონე საკითხები, მათ შორის სამ ქვეყანას შორის რკინიგზის თანამშრომლობა და ცენტრალური აზიიდან ევროპაში შუა დერეფნის მეშვეობით უფრო ეფექტური ტვირთების გადაზიდვის პერსპექტივები.
