საქართველოს პრეზიდენტმა, მეუღლესთან ერთად, კახეთში ზეთისხილის საწარმო დაათვალიერა და ზეთისხილის კრეფაში მიიღო მონაწილეობა

მოკლედ მთავარზე · USTARI BRIEF
- საქართველოს პრეზიდენტმა მიხეილ ყაველაშვილმა მეუღლესთან, თამარ ბაგრატიონთან ერთად, კახეთში, დედოფლისწყაროს მუნიციპალიტეტში მდებარე კომპანია „სვანიძის ზეთისხილი“ დაათვალიერა და ზეთისხილის კრეფაში მიიღო მონაწილეობა. პრეზიდე…
- მასალა გადამოწმებულია „უსტარის“ სარედაქციო სტანდარტის შესაბამისად.
საქართველოს პრეზიდენტმა მიხეილ ყაველაშვილმა მეუღლესთან, თამარ ბაგრატიონთან ერთად, კახეთში, დედოფლისწყაროს მუნიციპალიტეტში მდებარე კომპანია „სვანიძის ზეთისხილი“ დაათვალიერა და ზეთისხილის კრეფაში მიიღო მონაწილეობა. პრეზიდე…
საქართველოს პრეზიდენტმა მიხეილ ყაველაშვილმა მეუღლესთან, თამარ ბაგრატიონთან ერთად, კახეთში, დედოფლისწყაროს მუნიციპალიტეტში მდებარე კომპანია „სვანიძის ზეთისხილი“ დაათვალიერა და ზეთისხილის კრეფაში მიიღო მონაწილეობა.
პრეზიდენტის ადმინისტრაციის ინფორმაციით, საქართველოს პრეზიდენტმა, გარემოს დაცვისა და სოფლის მეურნეობის მინისტრთან და ადგილობრივი და საკანონმდებლო ხელისუფლების წარმომადგენლებთან ერთად, ზეთისხილის ბაღები და საწარმო დაათვალიერა. მიხეილ ყაველაშვილი გაეცნო ზეთისხილის მოყვანის, მოსავლის აღებისა და ზეთის წარმოების სრულ ციკლს.
ყურადღება დაეთმო ზეთისხილის წარმოების განვითარების პერსპექტივებს, ქართული აგროპროდუქციის ხარისხის მნიშვნელობასა და საერთაშორისო ბაზრებზე მისი კონკურენტუნარიანობის გაძლიერების შესაძლებლობებს.
ქართული აგროწარმოების განვითარება, თანამედროვე ტექნოლოგიების დანერგვა და მაღალი ხარისხის პროდუქციის წარმოება ქვეყნის სოფლის მეურნეობის პოტენციალის რეალიზებისა და ადგილობრივი პროდუქციის საერთაშორისო ბაზრებზე დამკვიდრების მნიშვნელოვან შესაძლებლობებს ქმნის.