ᲣᲡᲢᲐᲠᲘ.ᲝᲜᲚᲐᲘᲜ ᲡᲐᲘᲜᲤᲝᲠᲛᲐᲪᲘᲝ ᲡᲐᲐᲒᲔᲜᲢᲝ
ამბავი პირველ ადგილზე.სიტყვის თავისუფლება პასუხისმგებლობაა
რეგიონები2 წთ საკითხავი👁 9

შიდა ქართლში სამელიორაციო ინფრასტრუქტურის განვითარებისთვის 21 მილიონ ლარამდე ღირებულების პროექტები განხორციელდება

შიდა ქართლში სამელიორაციო ინფრასტრუქტურის განვითარებისთვის 21 მილიონ ლარამდე ღირებულების პროექტები განხორციელდება
USTARI.GE არქივი
ტექსტის ზომა:16px

მოკლედ მთავარზე · USTARI BRIEF

  • სამელიორაციო ინფრასტრუქტურის განვითარების მიზნით, 2026 წელს ქარელის მუნიციპალიტეტში 10 მილიონ ლარამდე ღირებულების კაპიტალური პროექტები განხორციელდება. პროექტების შედეგად გაუმჯობესდება სარწყავი ინფრასტრუქტურის მდგომარეობა…
  • მასალა გადამოწმებულია „უსტარის“ სარედაქციო სტანდარტის შესაბამისად.

სამელიორაციო ინფრასტრუქტურის განვითარების მიზნით, 2026 წელს ქარელის მუნიციპალიტეტში 10 მილიონ ლარამდე ღირებულების კაპიტალური პროექტები განხორციელდება. პროექტების შედეგად გაუმჯობესდება სარწყავი ინფრასტრუქტურის მდგომარეობა…

სამელიორაციო ინფრასტრუქტურის განვითარების მიზნით, 2026 წელს ქარელის მუნიციპალიტეტში 10 მილიონ ლარამდე ღირებულების კაპიტალური პროექტები განხორციელდება. პროექტების შედეგად გაუმჯობესდება სარწყავი ინფრასტრუქტურის მდგომარეობა და ფერმერებისთვის წყლის მიწოდების შესაძლებლობები. ინფორმაციას გარემოს დაცვისა და სოფლის მეურნეობის სამინისტროს პრესსამსახური ავრცელებს.

ქარელის მუნიციპალიტეტში უკვე დასრულებულია სკრა-ქარელის სარწყავი სისტემის რეაბილიტაცია, რომლის ღირებულებაც 5 333 558 ლარს შეადგენს.

ამ ეტაპზე მიმდინარეობს 2 066 899 ლარზე მეტი ღირებულების ორი პროექტი - შაქშაქეთის დიუკერის ავარიული წყალგამშვები ფარისა და სათავე ნაგებობის რეაბილიტაცია-რეკონსტრუქცია და სკრა-ქარელის სარწყავი სისტემის მაგისტრალურ არხზე ხიდის მოწყობა.

ამასთან, დაგეგმილია მდინარე მტკვრიდან სკრა-ქარელის სარწყავი სისტემის წყალაღების უზრუნველყოფის სამუშაოები, რომლის ღირებულებაც 2 100 000 ლარს შეადგენს. პროექტის განხორციელების შედეგად, წყალუზრუნველყოფა 3 240 ჰექტარზე გაუმჯობესდება.

კაპიტალურ პროექტებთან ერთად, ქარელის მუნიციპალიტეტში სამელიორაციო ინფრასტრუქტურის გამართული ფუნქციონირების უზრუნველსაყოფად, საექსპლუატაციო სამუშაოებიც მიმდინარეობს. გაიწმინდა და მოწესრიგდა 115 კმ სიგრძის სამელიორაციო არხები, შეკეთდა 5 მსხვილი ჰიდროტექნიკური ნაგებობა, ხოლო სხვადასხვა ტიპის 84 ჰიდროტექნიკური ნაგებობა შეიცვალა ან შეკეთდა.

სამელიორაციო ინფრასტრუქტურის განვითარება აქტიურად მიმდინარეობს შიდა ქართლის რეგიონის სხვა მუნიციპალიტეტებშიც. 2026 წელს რეგიონში ჯამში 21 მილიონ ლარამდე ღირებულების კაპიტალური პროექტები განხორციელდება, რომელთა შედეგად წყალუზრუნველყოფა 13 600 ჰექტარზე გაუმჯობესდება. რეგიონში უკვე დასრულებულია სკრა-ქარელის სარწყავი სისტემის რეაბილიტაცია, ამ ეტაპზე მიმდინარეობს 5 პროექტი, ხოლო დაგეგმილია კიდევ 2 პროექტის განხორციელება.

ამასთან, საექსპლუატაციო ღონისძიებების ფარგლებში, შიდა ქართლის მუნიციპალიტეტებში გაიწმინდა და მოწესრიგდა 278 კმ სიგრძის სამელიორაციო არხები, შეკეთდა 18 მსხვილი ჰიდროტექნიკური ნაგებობა, ხოლო სხვადასხვა ტიპის 294 ჰიდროტექნიკური ნაგებობა შეიცვალა ან შეკეთდა.

სოფლის მეურნეობის განვითარებისა და რეგიონების ეკონომიკური გაძლიერების მიზნით, შპს „საქართველოს მელიორაცია“ მუნიციპალიტეტებში ეტაპობრივად ახორციელებს როგორც სამშენებლო-სარეაბილიტაციო, ისე საექსპლუატაციო სამუშაოებს, რაც სარწყავი ინფრასტრუქტურის გამართულ ფუნქციონირებასა და ფერმერებისთვის საიმედო წყალმომარაგების უზრუნველყოფას ემსახურება.


როგორ შეაფასებთ მასალას?
შენიშნეთ ფაქტობრივი ან ტექნიკური უზუსტობა?აცნობეთ რედაქციას
← წინა თემატური მასალადათა გვასალია: ვინც სააკაშვილს პოზიციას შეაცვლევინებდა, მისივე გარე პატრონია. როგორც ჩანს, გარე პატრონებმა ჩათვალეს, რომ ისედაც კრიზისში მყოფი აგენტურის შიგნიდან, სააკაშვილის მიერ დამატებითი ჩაწიხლვა საქმეს კიდევ უფრო აფუჭებდა. შესაბამისად, სააკაშვილსაც თითი დაუქნიეს და მკაფიო მითითება მისცეს "შეწყვიტე კრიტიკა, ახლა მოფერების დროა" და მიშამაც არ დააყოვნაშემდეგი თემატური მასალა →ლევან ჭოტორლიშვილი: გაზის აფეთქება, ავტოავარიები ყველა ქვეყანაში ხდება, მაგრამ საქართველო არის ერთადერთი ქვეყანა სადაც ოპოზიცია როგორც ხავსს ისე ეპოტინება ნებისმიერ უბედურ შემთხვევას

საძიებო სისტემა

აკრიფეთ მინიმუმ 2 სიმბოლო სწრაფი ძებნისთვის ან დააჭირეთ Enter-ს