ᲣᲡᲢᲐᲠᲘ.ᲝᲜᲚᲐᲘᲜ ᲡᲐᲘᲜᲤᲝᲠᲛᲐᲪᲘᲝ ᲡᲐᲐᲒᲔᲜᲢᲝ
ამბავი პირველ ადგილზე.სიტყვის თავისუფლება პასუხისმგებლობაა
სამართალი2 წთ საკითხავი👁 9

რევაზ ნადარაია: საქართველოს საკონსტიტუციო სასამართლო კონსტიტუციური იდენტობის, ძირითადი უფლებების, ქვეყნის უსაფრთხოების, დემოკრატიის მდგრადობისა და სამოქალაქო საზოგადოების დაცვის გარანტია

რევაზ ნადარაია: საქართველოს საკონსტიტუციო სასამართლო კონსტიტუციური იდენტობის, ძირითადი უფლებების, ქვეყნის უსაფრთხოების, დემოკრატიის მდგრადობისა და სამოქალაქო საზოგადოების დაცვის გარანტია
USTARI.GE არქივი
ტექსტის ზომა:16px

მოკლედ მთავარზე · USTARI BRIEF

  • საქართველოს საკონსტიტუციო სასამართლო კონსტიტუციური იდენტობის, ძირითადი უფლებების, ქვეყნის უსაფრთხოების, დემოკრატიის მდგრადობისა და სამოქალაქო საზოგადოების დაცვ…
  • მასალა გადამოწმებულია „უსტარის“ სარედაქციო სტანდარტის შესაბამისად.

საქართველოს საკონსტიტუციო სასამართლო კონსტიტუციური იდენტობის, ძირითადი უფლებების, ქვეყნის უსაფრთხოების, დემოკრატიის მდგრადობისა და სამოქალაქო საზოგადოების დაცვ…

საქართველოს საკონსტიტუციო სასამართლო კონსტიტუციური იდენტობის, ძირითადი უფლებების, ქვეყნის უსაფრთხოების, დემოკრატიის მდგრადობისა და სამოქალაქო საზოგადოების დაცვის გარანტია, - განაცხადა საკონსტიტუციო სასამართლოს თავმჯდომარე რევაზ ნადარაიამ საქართველოს საკონსტიტუციო სასამართლოს 30 წლის იუბილესადმი მიძღვნილ საერთაშორისო კონფერენციაზე სიტყვით გამოსვლისას.

ნადარაიას თქმით, ის კლასიკურ უფლებამოსილებათა განხორციელებით ხელს უწყობს საქართველოში დემოკრატიის მრავალმხრივ განვითარებას, სოციალური სამართლიანობის განმტკიცებას და საზოგადოებაში კონსტიტუციის შესახებ ცოდნის გაღრმავებას.

„კონსტიტუციონალიზმის ისტორია ძირითადი უფლებებისთვის ბრძოლისა და მათი დაცვის სამართლებრივი გარანტიების ძიების ისტორიაა. სწორედ ამ დემოკრატიული პროცესების მონაპოვარია საკონსტიტუციო კონტროლის ინსტიტუტი. საქართველო აღნიშნული გლობალური კონსტიტუციური ფერხულის სრულფასოვანი მონაწილეა. ადამიანის უფლებათა დაცვის სფეროში საკონსტიტუციო სასამართლო ერთ-ერთი უმნიშვნელოვანესი მექანიზმია ეროვნულ დონეზე. დამოუკიდებლობის აღდგენის შემდეგ, 1995 წლის 24 აგვისტოს, საქართველოს პარლამენტმა მიიღო კონსტიტუცია, რომელმაც პირველად დაამკვიდრა საქართველოში საკონსტიტუციო კონტროლის უმაღლესი ორგანო - საკონსტიტუციო სასამართლო. მისი უმთავრესი მიზანი იმთავითვე კონსტიტუციის უზენაესობის უზრუნველყოფა და კონსტიტუციური წესრიგის განმტკიცება იყო.

კონსტიტუციის გამოცხადებას საკონსტიტუციო სასამართლოს შესახებ, მთელი რიგი ნორმატიული აქტების მიღება მოჰყვა, რითაც შეიქმნა სასამართლოს ფორმირებისთვის აუცილებელი მყარი საკანონმდებლო საფუძვლები. უწინარეს ყოვლისა, მოსამართლეთა განმწესებისთვის. სწორედ კონსტიტუციისა და კანონმდებლობის მიხედვით, საკონსტიტუციო სასამართლოს პირველმა წევრებმა 1996 წლის 24 ივლისს დადეს სამოსამართლო ფიცი ღვთისა და ერის წინაშე. ამ მომენტიდან, მანტიით შემოსილი თემიდის მსახურნი, საკონსტიტუციო კონტროლის მეტად საპატიო უფლებამოსილების შესრულებას შეუდგნენ.

საქართველოს საკონსტიტუციო სასამართლო კონსტიტუციური იდენტობის, ძირითადი უფლებების, ქვეყნის უსაფრთხოების, დემოკრატიის მდგრადობისა და სამოქალაქო საზოგადოების დაცვის გარანტია. ის კლასიკურ უფლებამოსილებათა განხორციელებით ხელს უწყობს საქართველოში დემოკრატიის მრავალმხრივ განვითარებას, სოციალური სამართლიანობის განმტკიცებას და საზოგადოებაში კონსტიტუციის შესახებ ცოდნის გაღრმავებას“, - აღნიშნა მან.

როგორ შეაფასებთ მასალას?
შენიშნეთ ფაქტობრივი ან ტექნიკური უზუსტობა?აცნობეთ რედაქციას
← წინა თემატური მასალადათა გვასალია: ვინც სააკაშვილს პოზიციას შეაცვლევინებდა, მისივე გარე პატრონია. როგორც ჩანს, გარე პატრონებმა ჩათვალეს, რომ ისედაც კრიზისში მყოფი აგენტურის შიგნიდან, სააკაშვილის მიერ დამატებითი ჩაწიხლვა საქმეს კიდევ უფრო აფუჭებდა. შესაბამისად, სააკაშვილსაც თითი დაუქნიეს და მკაფიო მითითება მისცეს "შეწყვიტე კრიტიკა, ახლა მოფერების დროა" და მიშამაც არ დააყოვნაშემდეგი თემატური მასალა →ლევან ჭოტორლიშვილი: გაზის აფეთქება, ავტოავარიები ყველა ქვეყანაში ხდება, მაგრამ საქართველო არის ერთადერთი ქვეყანა სადაც ოპოზიცია როგორც ხავსს ისე ეპოტინება ნებისმიერ უბედურ შემთხვევას

საძიებო სისტემა

აკრიფეთ მინიმუმ 2 სიმბოლო სწრაფი ძებნისთვის ან დააჭირეთ Enter-ს