ᲣᲡᲢᲐᲠᲘ.ᲝᲜᲚᲐᲘᲜ ᲡᲐᲘᲜᲤᲝᲠᲛᲐᲪᲘᲝ ᲡᲐᲐᲒᲔᲜᲢᲝ
ამბავი პირველ ადგილზე.სიტყვის თავისუფლება პასუხისმგებლობაა
საზოგადოება2 წთ საკითხავი👁 7

ComCom-ის წევრმა ნათია კუკულაძემ მედია და ინფორმაციული წიგნიერების გლობალური კვირეულის ფარგლებში ალტერბრიჯის უნივერსიტეტის ორგანიზებით გამართულ შეხვედრაში მიიღო მონაწილეობა

ComCom-ის წევრმა ნათია კუკულაძემ მედია და ინფორმაციული წიგნიერების გლობალური კვირეულის ფარგლებში ალტერბრიჯის უნივერსიტეტის ორგანიზებით გამართულ შეხვედრაში მიიღო მონაწილეობა
USTARI.GE არქივი
ტექსტის ზომა:16px

მოკლედ მთავარზე · USTARI BRIEF

  • კომუნიკაციების კომისიის წევრმა ნათია კუკულაძემ, UNESCO-ს მედია და ინფორმაციული წიგნიერების გლობალური კვირეულის ფარგლებში, უნივერსიტეტ ალტერბრიჯის მიერ გამართულ…
  • მასალა გადამოწმებულია „უსტარის“ სარედაქციო სტანდარტის შესაბამისად.

კომუნიკაციების კომისიის წევრმა ნათია კუკულაძემ, UNESCO-ს მედია და ინფორმაციული წიგნიერების გლობალური კვირეულის ფარგლებში, უნივერსიტეტ ალტერბრიჯის მიერ გამართულ…

კომუნიკაციების კომისიის წევრმა ნათია კუკულაძემ, UNESCO-ს მედია და ინფორმაციული წიგნიერების გლობალური კვირეულის ფარგლებში, უნივერსიტეტ ალტერბრიჯის მიერ გამართულ საჯარო ლექციაში „ნავიგაცია ინფორმაციის ეპოქაში: მედიაწიგნიერება, ონლაინ უსაფრთხოება და ჩრდილოეთ ევროპის გამოცდილება“ (Navigating the Information Age: Media Literacy, Online Safety and the Nordic Experience) მიიღო მონაწილეობა.

ღონისძიება მიზნად ისახავდა სტუდენტებში მედიაწიგნიერების შესახებ ცნობიერების ამაღლებას, კრიტიკული აზროვნებისა და ინფორმაციის პასუხისმგებლიანი მოხმარების ხელშეწყობას, ასევე დეზინფორმაციის, ონლაინ ძალადობისა და ციფრული უსაფრთხოების საკითხებზე საერთაშორისო გამოცდილების გაზიარებას. შეხვედრაზე ნათია კუკულაძემ მედიაწიგნიერების როლსა და მნიშვნელობაზე ისაუბრა და ყურადღება გაამახვილა კრიტიკული და პასუხისმგებლიანი აუდიტორიის ჩამოყალიბების აუცილებლობაზე.

ღონისძიებაში ასევე მონაწილეობდნენ გაეროს მოსახლეობის ფონდის (UNFPA) საქართველოს ოფისის პროგრამის მენეჯერი და გენდერული პროგრამის ხელმძღვანელი მარიკა ქურდაძე და გოტენბურგის უნივერსიტეტის (შვედეთი) ჩრდილოეთ ევროპის მედიაკვლევების ცენტრის (Nordicom) თანადირექტორი, ამავე უნივერსიტეტის ჟურნალისტიკის, მედიისა და კომუნიკაციის დეპარტამენტის ასოცირებული პროფესორი და UNESCO-ს მედია და ინფორმაციული წიგნიერების ალიანსის ევროპისა და ჩრდილოეთ ამერიკის რეგიონული ჯგუფის წევრი, დოქტორი მაარიტ იაკოლა (Maarit Jaakkola). მარიკა ქურდაძემ ტექნოლოგიების საშუალებით გენდერული ნიშნით ჩადენილი ძალადობის რისკებსა და პრევენციის გზებზე ისაუბრა, ხოლო მაარიტ იაკოლამ სტუდენტებს მედია და ინფორმაციული წიგნიერების მიმართულებით ფინეთისა და ჩრდილოეთ ევროპის გამოცდილება გაუზიარა. შეხვედრა ინტერაქციული ხასიათის იყო.

შეგახსენებთ, რომ მედია და ინფორმაციული წიგნიერების გლობალური კვირეული UNESCO-ს საერთაშორისო ინიციატივაა, რომლის მიზანია მედიაწიგნიერების მნიშვნელობის შესახებ ცნობიერების ამაღლება და ამ მიმართულებით სახელმწიფო უწყებების, საგანმანათლებლო ორგანიზაციების, სამოქალაქო საზოგადოების, კერძო სექტორისა და მოქალაქეების თანამშრომლობის ხელშეწყობა. კომუნიკაციების კომისია აღნიშნულ ინიციატივას წელს უკვე მეექვსედ შეუერთდა.

ინფორმაციას კომუნიკაციების კომისია ავრცელებს.

როგორ შეაფასებთ მასალას?
შენიშნეთ ფაქტობრივი ან ტექნიკური უზუსტობა?აცნობეთ რედაქციას
← წინა თემატური მასალადათა გვასალია: ვინც სააკაშვილს პოზიციას შეაცვლევინებდა, მისივე გარე პატრონია. როგორც ჩანს, გარე პატრონებმა ჩათვალეს, რომ ისედაც კრიზისში მყოფი აგენტურის შიგნიდან, სააკაშვილის მიერ დამატებითი ჩაწიხლვა საქმეს კიდევ უფრო აფუჭებდა. შესაბამისად, სააკაშვილსაც თითი დაუქნიეს და მკაფიო მითითება მისცეს "შეწყვიტე კრიტიკა, ახლა მოფერების დროა" და მიშამაც არ დააყოვნაშემდეგი თემატური მასალა →ლევან ჭოტორლიშვილი: გაზის აფეთქება, ავტოავარიები ყველა ქვეყანაში ხდება, მაგრამ საქართველო არის ერთადერთი ქვეყანა სადაც ოპოზიცია როგორც ხავსს ისე ეპოტინება ნებისმიერ უბედურ შემთხვევას

საძიებო სისტემა

აკრიფეთ მინიმუმ 2 სიმბოლო სწრაფი ძებნისთვის ან დააჭირეთ Enter-ს