ᲣᲡᲢᲐᲠᲘ.ᲝᲜᲚᲐᲘᲜ ᲡᲐᲘᲜᲤᲝᲠᲛᲐᲪᲘᲝ ᲡᲐᲐᲒᲔᲜᲢᲝ
ამბავი პირველ ადგილზე.სიტყვის თავისუფლება პასუხისმგებლობაა
საზოგადოება2 წთ საკითხავი👁 7

აგრარულ ჟურნალისტთა საერთაშორისო ფედერაციის პრესტურის მონაწილეები ქართულ ტრადიციულ წარმოებასა და აგრარულ პოტენციალს გაეცნენ

აგრარულ ჟურნალისტთა საერთაშორისო ფედერაციის პრესტურის მონაწილეები ქართულ ტრადიციულ წარმოებასა და აგრარულ პოტენციალს გაეცნენ
USTARI.GE არქივი
ტექსტის ზომა:16px

მოკლედ მთავარზე · USTARI BRIEF

  • გარემოს დაცვისა და სოფლის მეურნეობის სამინისტროს გასტრონომიის ეროვნული სააგენტოსა და საქართველოს აგროჟურნალისტთა ასოციაციის (AGAJ) ორგანიზებით, აგრარულ ჟურნალი…
  • მასალა გადამოწმებულია „უსტარის“ სარედაქციო სტანდარტის შესაბამისად.

გარემოს დაცვისა და სოფლის მეურნეობის სამინისტროს გასტრონომიის ეროვნული სააგენტოსა და საქართველოს აგროჟურნალისტთა ასოციაციის (AGAJ) ორგანიზებით, აგრარულ ჟურნალი…

გარემოს დაცვისა და სოფლის მეურნეობის სამინისტროს გასტრონომიის ეროვნული სააგენტოსა და საქართველოს აგროჟურნალისტთა ასოციაციის (AGAJ) ორგანიზებით, აგრარულ ჟურნალისტთა საერთაშორისო ფედერაციის (IFAJ) პრესტურის ფარგლებში, დიდი ბრიტანეთის, შოტლანდიის, სლოვენიის, სერბეთის, შვეიცარიის, ნორვეგიის, დანიის, სამხრეთ აფრიკისა და იაპონიის ჟურნალისტები საქართველოს აგრარულ პოტენციალს, ადგილობრივ წარმოებასა და ტრადიციულ პროდუქტებს გაეცნენ.

უცხოელი ჟურნალისტები მცხეთა-მთიანეთისა და კახეთის რეგიონებში ადგილობრივ მეწარმეებს, ტრადიციული პროდუქტების მწარმოებლებსა და აგროტურისტულ მეურნეობებს ეწვივნენ. მათ შესაძლებლობა ჰქონდათ უშუალოდ გასცნობოდნენ ქართული გასტრონომიის, აგრობიომრავალფეროვნებისა და ენდემური ჯიშების შესახებ ინფორმაციას, ასევე იმ ოჯახებისა და მეწარმეების საქმიანობას, რომლებიც ტრადიციულ ცოდნასა და წარმოების მეთოდებს თაობიდან თაობას გადასცემენ.

„გასტრონომიის ეროვნული სააგენტოსთვის მნიშვნელოვანია რეგიონებში ტრადიციული წარმოების განვითარებისა და ადგილობრივი მეწარმეების საქმიანობის ხელშეწყობა, მათი პროდუქციის პოპულარიზაცია და ფართო საზოგადოებისთვის გაცნობა.

მსგავსი ინიციატივები ხელს უწყობს ქართული გასტრონომიის განვითარებას, უნიკალური ტრადიციებისა და წარმოების მეთოდების შენარჩუნებას და მათ პოპულარიზაციას როგორც ქვეყნის შიგნით, ისე საერთაშორისო დონეზე“, - განაცხადა გასტრონომიის ეროვნული სააგენტოს თავმჯდომარემ ლევან ქარუმიძემ.

თიანეთში ჟურნალისტები „მართა ბებოს დამბალხაჭოს“, კახეთში კი „ლაგაზის მეურნეობას“, „ნუმისის“ მარანსა და ხილის გადამმუშავებელ საწარმოს „ქართული აგროპროდუქტი“ ეწვივნენ. სტუმრები გაეცნენ დამბალხაჭოსა და კარაქის წარმოების ტრადიციას, ქართული ხორბლის ენდემურ ჯიშებს, თუშურ კულინარიას, ქვევრის ღვინის დაყენების მეთოდებსა და ადგილობრივი ხილის გადამუშავების პროცესს. განსაკუთრებული ყურადღება დაეთმო ტრადიციული ცოდნის შენარჩუნებასა და ადგილობრივი პროდუქციის წარმოება-რეალიზაციის განვითარებას.

IFAJ-ის პრესტურის მიზანია საერთაშორისო აგრარული მედიის წარმომადგენლებისთვის ქართული სოფლის მეურნეობის, ტრადიციული წარმოების მეთოდებისა და ადგილობრივი პროდუქტების გაცნობა, ასევე საქართველოს აგრარული და გასტრონომიული პოტენციალის საერთაშორისო მასშტაბით პოპულარიზაციისთვის ხელშეწყობა.

ინფორმაციას გარემოს დაცვისა და სოფლის მეურნეობის სამინისტროს გასტრონომიის ეროვნული სააგენტო ავრცელებს.

როგორ შეაფასებთ მასალას?
შენიშნეთ ფაქტობრივი ან ტექნიკური უზუსტობა?აცნობეთ რედაქციას
← წინა თემატური მასალადათა გვასალია: ვინც სააკაშვილს პოზიციას შეაცვლევინებდა, მისივე გარე პატრონია. როგორც ჩანს, გარე პატრონებმა ჩათვალეს, რომ ისედაც კრიზისში მყოფი აგენტურის შიგნიდან, სააკაშვილის მიერ დამატებითი ჩაწიხლვა საქმეს კიდევ უფრო აფუჭებდა. შესაბამისად, სააკაშვილსაც თითი დაუქნიეს და მკაფიო მითითება მისცეს "შეწყვიტე კრიტიკა, ახლა მოფერების დროა" და მიშამაც არ დააყოვნაშემდეგი თემატური მასალა →ლევან ჭოტორლიშვილი: გაზის აფეთქება, ავტოავარიები ყველა ქვეყანაში ხდება, მაგრამ საქართველო არის ერთადერთი ქვეყანა სადაც ოპოზიცია როგორც ხავსს ისე ეპოტინება ნებისმიერ უბედურ შემთხვევას

საძიებო სისტემა

აკრიფეთ მინიმუმ 2 სიმბოლო სწრაფი ძებნისთვის ან დააჭირეთ Enter-ს