ᲣᲡᲢᲐᲠᲘ.ᲝᲜᲚᲐᲘᲜ ᲡᲐᲘᲜᲤᲝᲠᲛᲐᲪᲘᲝ ᲡᲐᲐᲒᲔᲜᲢᲝ
ამბავი პირველ ადგილზე.სიტყვის თავისუფლება პასუხისმგებლობაა
საზოგადოება2 წთ საკითხავი👁 7

კახა კალაძე რუსთაველის გამზირზე სარეაბილიტაციო სამუშაოების მიმდინარეობას გაეცნო

კახა კალაძე რუსთაველის გამზირზე სარეაბილიტაციო სამუშაოების მიმდინარეობას გაეცნო
USTARI.GE არქივი
ტექსტის ზომა:16px

მოკლედ მთავარზე · USTARI BRIEF

  • თბილისის მერი კახა კალაძე, მოადგილე ირაკლი ბენდელიანთან ერთად, რუსთაველის გამზირის რეაბილიტაციის პროცესს გაეცნო.როგორც მერმა აღნიშნა, სამუშაოები ინტენსიურად მი…
  • მასალა გადამოწმებულია „უსტარის“ სარედაქციო სტანდარტის შესაბამისად.

თბილისის მერი კახა კალაძე, მოადგილე ირაკლი ბენდელიანთან ერთად, რუსთაველის გამზირის რეაბილიტაციის პროცესს გაეცნო.როგორც მერმა აღნიშნა, სამუშაოები ინტენსიურად მი…

თბილისის მერი კახა კალაძე, მოადგილე ირაკლი ბენდელიანთან ერთად, რუსთაველის გამზირის რეაბილიტაციის პროცესს გაეცნო.

როგორც მერმა აღნიშნა, სამუშაოები ინტენსიურად მიმდინარეობს და დაპირებისამებრ, ნოემბრის ბოლოს დასრულდება.

„რუსთაველის გამზირის რეაბილიტაცია დღე-ღამის განმავლობაში აქტიურად მიმდინარეობს. როგორც დავპირდით მოსახლეობას, სამუშაოები ნოემბრის ბოლოს დამთავრდება. არ დაუჯეროთ კონკრეტულ ტელევიზიებს, რომლებიც ავრცელებენ ინფორმაციას, თითქოს სამუშაოების დასრულების ვადამ დეკემბრის ბოლომდე გადაიწია. ეს არის სიცრუე, არასწორი ინფორმაცია. თუ რაიმე პრობლემა იქნება, ამას პირდაპირ ჩვენ ვიტყვით. კიდევ ერთხელ ვიმეორებ, დღეის მდგომარეობით არანაირი პრობლემა არ არის, ძალიან კარგი ტემპია. კომუნიკაციების სამუშაოების დიდი ნაწილი უკვე დასრულებულია. პარალელურად მიმდინარეობს ტროტუარების მოპირკეთება, საძირკვლის მოწყობა. საბოლოო ჯამში, როდესაც პროექტი დასრულდება, გამზირი ძალიან ლამაზი და კეთილმოწყობილი იქნება. კიდევ ერთხელ ბოდიში მინდა მოვუხადო მოსახლეობას, განსაკუთრებით, იქ მცხოვრებ ადამიანებს, ოჯახებს, რადგან ძალიან დიდი დისკომფორტი შექმნა აღნიშნულმა ჩაკეტვამ, თუმცა ამ მასშტაბის სამუშაოების წარმოება სხვანაირად შეუძლებელი იყო. ცოტაც უნდა მოვითმინოთ და ყველაფერი მოწესრიგებული იქნება“, - განაცხადა კახა კალაძემ.

ამ დროისთვის დასრულებულია მიწისქვეშა ქსელების რეაბილიტაცია და მოწყობილია კაბელარხები, სადაც საჰაერო სადენები გადააქვთ.

თამარ ჭოველიძის ქუჩიდან მიხეილ ჯავახიშვილის ქუჩამდე არსებულ საგზაო მონაკვეთში, სადაც ასფალტის საფარის ქვედა ფენები უკვე დაიგო, საკომუნიკაციო ჭების შესაბამის ნიშნულზე მოყვანა ხდება, რის შემდეგაც ასფალტის საფარის ზედა ფენა დაიგება.

გარდა ამისა, დასკვნით ეტაპზეა მიწისქვეშა გასასვლელების რეაბილიტაციის პროცესი. მიმდინარეობს გარე განათების ქსელის მოწყობა და მიწისქვეშა ნარჩენშემკრები ურნების მონტაჟიც.

გამზირზე ეწყობა ტროტუარები, საავტომობილო გზის საფუძველი, სადაც სულ მალე ასფალტის საფარი დაიგება, სავალი ნაწილი დაიხაზება, მოეწყობა საფეხმავლო გადასასვლელები და დამონტაჟდება შუქნიშნები. ასევე ჩატარდება გამწვანების სამუშაოები.

ადგილზე, მერთან ერთად, თბილისის მერიის ინფრასტრუქტურის განვითარების სამსახურის უფროსი გიორგი აბუთიძე, ტრანსპორტისა და ურბანული განვითარების სააგენტოს ხელმძღვანელი ნინო ბაგაშვილი, გარემოს დაცვის საქალაქო სამსახურის უფროსი პაატა ტოგონიძე და მთაწმინდის რაიონის გამგებელი დავით კირკიტაძე იმყოფებოდნენ.


როგორ შეაფასებთ მასალას?
შენიშნეთ ფაქტობრივი ან ტექნიკური უზუსტობა?აცნობეთ რედაქციას
← წინა თემატური მასალადათა გვასალია: ვინც სააკაშვილს პოზიციას შეაცვლევინებდა, მისივე გარე პატრონია. როგორც ჩანს, გარე პატრონებმა ჩათვალეს, რომ ისედაც კრიზისში მყოფი აგენტურის შიგნიდან, სააკაშვილის მიერ დამატებითი ჩაწიხლვა საქმეს კიდევ უფრო აფუჭებდა. შესაბამისად, სააკაშვილსაც თითი დაუქნიეს და მკაფიო მითითება მისცეს "შეწყვიტე კრიტიკა, ახლა მოფერების დროა" და მიშამაც არ დააყოვნაშემდეგი თემატური მასალა →ლევან ჭოტორლიშვილი: გაზის აფეთქება, ავტოავარიები ყველა ქვეყანაში ხდება, მაგრამ საქართველო არის ერთადერთი ქვეყანა სადაც ოპოზიცია როგორც ხავსს ისე ეპოტინება ნებისმიერ უბედურ შემთხვევას

საძიებო სისტემა

აკრიფეთ მინიმუმ 2 სიმბოლო სწრაფი ძებნისთვის ან დააჭირეთ Enter-ს