სპორტის მინისტრმა ქართველ კარატისტებს პროფესიული ლიგის მსოფლიოს თასზე მოპოვებული წარმატება მიულოცა

მოკლედ მთავარზე · USTARI BRIEF
- საქართველოს სპორტის მინისტრმა შალვა გოგოლაძემ ქართველ კარატისტებს - მინდია მგელაძესა (-70 კგ) და დავით მსხალაძეს (-85 კგ), პროფესიული ლიგის „SENSHI World Cup 2026”-ის „მსოფლიოს თასზე“ მიღწეული წარმატება მოულოცა. ქართველმ…
- მასალა გადამოწმებულია „უსტარის“ სარედაქციო სტანდარტის შესაბამისად.
საქართველოს სპორტის მინისტრმა შალვა გოგოლაძემ ქართველ კარატისტებს - მინდია მგელაძესა (-70 კგ) და დავით მსხალაძეს (-85 კგ), პროფესიული ლიგის „SENSHI World Cup 2026”-ის „მსოფლიოს თასზე“ მიღწეული წარმატება მოულოცა. ქართველმ…
საქართველოს სპორტის მინისტრმა შალვა გოგოლაძემ ქართველ კარატისტებს - მინდია მგელაძესა (-70 კგ) და დავით მსხალაძეს (-85 კგ), პროფესიული ლიგის „SENSHI World Cup 2026”-ის „მსოფლიოს თასზე“ მიღწეული წარმატება მოულოცა. ქართველმა სპორტსმენებმა ტურნირზე ვერცხლის მედლები მოიპოვეს. მინისტრმა მათ მომავალ ასპარეზობებშიც გამარჯვება უსურვა.- ინფორმაციას სპორტის სამინისტრო ავრცელებს.
პროფესიული ლიგა, ძირითადად, კონტაქტური სტილის კარატეს, კიკბოქსინგისა და ტაილანდური კრივის საშეჯიბრო წესებით მოასპარეზე მებრძოლებს აერთიანებს. თითოეულ წონით კატეგორიაში სხვადასხვა საბრძოლო სპორტის სახეობის, მაღალი რეიტინგისა და კვალიფიკაციის რვა მებრძოლი ოლიმპიური სისტემით ასპარეზობდა; ქართველმა სპორტსმენებმა სამ-სამი შეხვედრა გამართეს და მხოლოდ ფინალური ორთაბრძოლები დათმეს. ტურნირი ბულგარეთში გაიმართა.
სპორტის სამინისტროში გამართულ შეხვედრას მინისტრის მოადგილე ირაკლი დოლაბერიძე, კონტაქტური კარატეს ეროვნული ნაკრების მთავარი მწვრთნელი ლევან ცინცაძე და დათა ფუტკარაძე ესწრებოდნენ, რომელმაც ტურნირზე ასპარეზობა ტრავმის გამო ვერ შეძლო.