ᲣᲡᲢᲐᲠᲘ.ᲝᲜᲚᲐᲘᲜ ᲡᲐᲘᲜᲤᲝᲠᲛᲐᲪᲘᲝ ᲡᲐᲐᲒᲔᲜᲢᲝ
ამბავი პირველ ადგილზე.სიტყვის თავისუფლება პასუხისმგებლობაა
უცხოეთი2 წთ საკითხავი👁 9

POLITICO: ნეთანიაჰუ არჩევნების გაყალბებაზე საუბრობს

POLITICO: ნეთანიაჰუ არჩევნების გაყალბებაზე საუბრობს
USTARI.GE არქივი
ტექსტის ზომა:16px

მოკლედ მთავარზე · USTARI BRIEF

  • ისრაელის პრემიერ-მინისტრის ბენიამინ ნეთანიაჰუს პარტია „ლიკუდი“ აცხადებს, რომ არაბი ამომრჩევლების მხრიდან სავარაუდო გაყალბებამ მას არჩევნებში დამაჯერებელი გამარ…
  • მასალა გადამოწმებულია „უსტარის“ სარედაქციო სტანდარტის შესაბამისად.

ისრაელის პრემიერ-მინისტრის ბენიამინ ნეთანიაჰუს პარტია „ლიკუდი“ აცხადებს, რომ არაბი ამომრჩევლების მხრიდან სავარაუდო გაყალბებამ მას არჩევნებში დამაჯერებელი გამარ…

ისრაელის პრემიერ-მინისტრის ბენიამინ ნეთანიაჰუს პარტია „ლიკუდი“ აცხადებს, რომ არაბი ამომრჩევლების მხრიდან სავარაუდო გაყალბებამ მას არჩევნებში დამაჯერებელი გამარჯვების მოპოვებაში ხელი შეუშალა. ინფორმაციას POLITICO ავრცელებს.

გამოცემის ცნობით, პარტიას ამ ბრალდებების დასადასტურებლად მტკიცებულებები არ წარმოუდგენია, ისრაელის პოლიციის განცხადებით კი, არაბული პარტიების მხრიდან არჩევნებში ჩარევის დამადასტურებელი ფაქტები არ არსებობს.

„ლიკუდმა“ განცხადება, სამშაბათს ჩატარებული არჩევნების წინასწარი შედეგების გამოქვეყნების შემდეგ გაავრცელა. პარტია ამტკიცებს, რომ „არჩევნების მოპარვის მტკიცებულებები“ არაერთ არაბულ საარჩევნო უბანზე არსებობს და სამართალდამცავ ორგანოებს მოუწოდებს, „მკაცრად და სწრაფად იმოქმედონ“. განცხადება სოციალურ ქსელში თავად ნეთანიაჰუმაც გააზიარა.

არჩევნების საბოლოო შედეგები ჯერ გაურკვეველია. ნეთანიაჰუს პოლიტიკურ ბლოკსაც და მის მთავარ მოწინააღმდეგეს, გადი აიზენკოტის ოპოზიციასაც, მთავრობის დამოუკიდებლად ჩამოსაყალიბებლად საჭირო 61 მანდატის მოპოვება არ შეუძლიათ. შესაბამისად, კოალიციური მთავრობის შექმნის შესაძლებლობა რეალურია, რასაც, სავარაუდოდ, ახალი მთავრობის ფორმირებაზე მრავალკვირიანი მოლაპარაკებები მოჰყვება, წერს გამოცემა.

ისრაელში მცხოვრებ არაბ ამომრჩევლებს შორის რეკორდულად მაღალი აქტივობა ნეთანიაჰუს პალესტინელების მიმართ პოლიტიკით გამოწვეულ უკმაყოფილებასა და იმედგაცრუებას ასახავს. ადგილობრივი მედიის ცნობით, არაბულმა პარტიებმა მოლოდინს გადააჭარბეს და მანდატების რაოდენობა თითქმის გააორმაგეს - 10-დან 19-მდე გაზარდეს. ამან მათ მთავრობის ფორმირების პროცესზე გავლენის მოხდენის პოტენციური შესაძლებლობა მისცა. ჯერჯერობით უცნობია, რამდენად შორს წავა ნეთანიაჰუს მოწინააღმდეგე ოპოზიცია და დათანხმდება თუ არა არაბულ პარტიებთან კოალიციის შექმნას პრემიერ-მინისტრის ხელისუფლებიდან ჩამოსაშორებლად.

ხმის დათვლის პროცესში ნეთანიაჰუმ სოციალურ ქსელში რამდენიმე განცხადება გამოაქვეყნა, რომლებითაც არაბ ამომრჩეველთა აქტივობის შესახებ შიშის გაღვივებას ცდილობდა. მან მემარჯვენე ამომრჩევლებს საარჩევნო უბნებზე მისვლისკენ მოუწოდა და ეთნიკურ ნიადაგზე აგებული გზავნილებიც გამოიყენა. ნეთანიაჰუ ამტკიცებდა, რომ მაშინ, როდესაც მემარჯვენე ამომრჩევლებს ეძინათ, არაბი ამომრჩევლები ავტობუსებით მიჰყავდათ საარჩევნო უბნებზე. მან ასევე გააფრთხილა მხარდამჭერები, რომ „ლიკუდის“ ამომრჩევლების აქტიურობის გარეშე მთავრობაზე კონტროლის მოპოვება შესაძლოა „მუსლიმთა საძმომ“ შეძლოს.

მიუხედავად იმისა, რომ არჩევნებმა ნეთანიაჰუსთვის მოსალოდნელი გადამწყვეტი გამარჯვება ვერ უზრუნველყო, შედეგებმა კიდევ ერთხელ გამოკვეთა ისრაელის საზოგადოებაში ხანგრძლივი პოლიტიკური ლიდერის ხელისუფლებაში ყოფნის საკითხზე არსებული ღრმა დაპირისპირება, წერს გამოცემა.

როგორც POLITICO იუწყება, არჩევნების შედეგები შესაძლოა ასევე მიანიშნებდეს იმაზე, თუ როგორ აისახება ირანის წინააღმდეგ აშშ-ისა და ისრაელის ერთობლივი ომით გამოწვეული უკმაყოფილება დონალდ ტრამპის ადმინისტრაციაზე. აშშ-ში შუალედური არჩევნები მომავალ კვირას გაიმართება. მიუხედავად იმისა, რომ ტრამპი კენჭს არ იყრის, მოსალოდნელია, რომ ომის გახანგრძლივებითა და საწვავის ფასების ზრდით უკმაყოფილო ამომრჩევლები ქვეყნის მასშტაბით „რესპუბლიკელ“ კანდიდატებს მხარს ნაკლებად აქტიურად დაუჭერენ.


როგორ შეაფასებთ მასალას?
შენიშნეთ ფაქტობრივი ან ტექნიკური უზუსტობა?აცნობეთ რედაქციას
← წინა თემატური მასალადათა გვასალია: ვინც სააკაშვილს პოზიციას შეაცვლევინებდა, მისივე გარე პატრონია. როგორც ჩანს, გარე პატრონებმა ჩათვალეს, რომ ისედაც კრიზისში მყოფი აგენტურის შიგნიდან, სააკაშვილის მიერ დამატებითი ჩაწიხლვა საქმეს კიდევ უფრო აფუჭებდა. შესაბამისად, სააკაშვილსაც თითი დაუქნიეს და მკაფიო მითითება მისცეს "შეწყვიტე კრიტიკა, ახლა მოფერების დროა" და მიშამაც არ დააყოვნაშემდეგი თემატური მასალა →ლევან ჭოტორლიშვილი: გაზის აფეთქება, ავტოავარიები ყველა ქვეყანაში ხდება, მაგრამ საქართველო არის ერთადერთი ქვეყანა სადაც ოპოზიცია როგორც ხავსს ისე ეპოტინება ნებისმიერ უბედურ შემთხვევას

საძიებო სისტემა

აკრიფეთ მინიმუმ 2 სიმბოლო სწრაფი ძებნისთვის ან დააჭირეთ Enter-ს