ᲣᲡᲢᲐᲠᲘ.ᲝᲜᲚᲐᲘᲜ ᲡᲐᲘᲜᲤᲝᲠᲛᲐᲪᲘᲝ ᲡᲐᲐᲒᲔᲜᲢᲝ
ამბავი პირველ ადგილზე.სიტყვის თავისუფლება პასუხისმგებლობაა
უცხოეთი2 წთ საკითხავი👁 7

Reuters: პენტაგონი ბალტიის ქვეყნებს რუსეთის საფრთხეზე საჯარო განცხადებების შერბილებისკენ მოუწოდებს

Reuters: პენტაგონი ბალტიის ქვეყნებს რუსეთის საფრთხეზე საჯარო განცხადებების შერბილებისკენ მოუწოდებს
USTARI.GE არქივი
ტექსტის ზომა:16px

მოკლედ მთავარზე · USTARI BRIEF

  • Reuters-ის ინფორმაციით, აშშ-ის თავდაცვის დეპარტამენტის წარმომადგენლებმა ნატოს რამდენიმე წევრ ქვეყანას, მათ შორის ლიეტუვას, ლატვიასა და ესტონეთს, მოუწოდეს, რუსე…
  • მასალა გადამოწმებულია „უსტარის“ სარედაქციო სტანდარტის შესაბამისად.

Reuters-ის ინფორმაციით, აშშ-ის თავდაცვის დეპარტამენტის წარმომადგენლებმა ნატოს რამდენიმე წევრ ქვეყანას, მათ შორის ლიეტუვას, ლატვიასა და ესტონეთს, მოუწოდეს, რუსე…

Reuters-ის ინფორმაციით, აშშ-ის თავდაცვის დეპარტამენტის წარმომადგენლებმა ნატოს რამდენიმე წევრ ქვეყანას, მათ შორის ლიეტუვას, ლატვიასა და ესტონეთს, მოუწოდეს, რუსეთისგან მომდინარე საფრთხეზე საჯარო განცხადებების ტონი შეარბილონ.

ვაშინგტონში მიიჩნევენ, რომ ევროპელი ლიდერებისა და ოფიციალური პირების ზოგიერთი განცხადება კონტინენტის უსაფრთხოებას აზიანებს.

როგორც სააგენტო წერს, აშშ-ის მოთხოვნა იმ პერიოდს ემთხვევა, როდესაც დონალდ ტრამპის ადმინისტრაციამ უკრაინაში სრულმასშტაბიანი ომის მოლაპარაკებების გზით დასრულების მცდელობა განაახლა. ომი მეხუთე წელია გრძელდება. ვაშინგტონის ბოლო ინიციატივა რუსეთისთვის გარკვეული შეღავათების, მათ შორის სანქციების შემსუბუქების შესაძლებლობას, უკრაინაზე კი რუსეთის ენერგეტიკულ ინფრასტრუქტურაზე თავდასხმების შეწყვეტის მიზნით ზეწოლას აერთიანებს.

ჟურნალისტების მიერ დასმული კითხვის საპასუხოდ პენტაგონის წარმომადგენელმა განაცხადა: „მოკავშირეებს შორის პირადი საუბრები სწორედ პირადი საუბრებია, ამიტომ ამ ბრალდებებზე კომენტარს არ გავაკეთებთ“.

ერთ-ერთი წყაროს თქმით, აშშ-ის ოფიციალური პირების ყურადღება ევროპელი ლიდერების იმ განცხადებებმა მიიპყრო, რომლებშიც ნათქვამია, რომ რუსეთი კუთხეშია მიმწყვდეული და უკრაინაში შეჭრის შემდეგ, ფრონტზე წინსვლის შენელების ფონზე, სულ უფრო სასოწარკვეთილ ნაბიჯებს მიმართავს.

წყაროების ინფორმაციით, ამ გზავნილის გადაცემაში მონაწილეობდა პენტაგონის პოლიტიკის მიმართულების ხელმძღვანელი ელბრიჯ კოლბი, რომელიც ევროპაში აშშ-ის სამხედრო კონტინგენტის რაოდენობის გადახედვის პროცესშიც მნიშვნელოვან როლს ასრულებს. Reuters-მა ვერ დაადგინა, კიდევ რომელი ამერიკელი ოფიციალური პირები მონაწილეობდნენ ამ პროცესში.

კიდევ ერთი წყაროს ინფორმაციით, ცალკე გამართულ შეხვედრაზე პენტაგონმა ესტონეთის დელეგაციას განცხადებებში „თავშეკავებისკენ“ მოუწოდა. ევროპელი ოფიციალური პირის განცხადებით, პენტაგონის რჩევები მეგობრული ტონით იყო ნათქვამი, თუმცა ამგვარმა მოწოდებებმა გაკვირვება გამოიწვია.

უცნობია, კონკრეტულად რომელ განცხადებას გულისხმობდა კოლბი. თუმცა, ესტონეთის პრემიერ-მინისტრმა კრისტენ მიხალმა სექტემბრის ბოლოს ვლადიმირ პუტინი „კუთხეში მიმწყვდეულ ვირთხას“ შეადარა. მისი თქმით, უკრაინაში რუსეთის სამხედრო მოქმედებების შეფერხების ფონზე, რუსეთის ლიდერი ევროპაში დივერსიულ ქმედებებს მიმართავდა.

„ჩვენ გეხმარებით. ამერიკელები თქვენს გვერდით არიან. უბრალოდ, ნუ იქნებით ხმაურიანები. ნუ ატეხთ ხმაურს“, - ასე აღწერა პენტაგონის ბოლო გზავნილები Reuters-თან საუბრისას ევროპის კიდევ ერთმა ოფიციალურმა პირმა.


როგორ შეაფასებთ მასალას?
შენიშნეთ ფაქტობრივი ან ტექნიკური უზუსტობა?აცნობეთ რედაქციას
← წინა თემატური მასალადათა გვასალია: ვინც სააკაშვილს პოზიციას შეაცვლევინებდა, მისივე გარე პატრონია. როგორც ჩანს, გარე პატრონებმა ჩათვალეს, რომ ისედაც კრიზისში მყოფი აგენტურის შიგნიდან, სააკაშვილის მიერ დამატებითი ჩაწიხლვა საქმეს კიდევ უფრო აფუჭებდა. შესაბამისად, სააკაშვილსაც თითი დაუქნიეს და მკაფიო მითითება მისცეს "შეწყვიტე კრიტიკა, ახლა მოფერების დროა" და მიშამაც არ დააყოვნაშემდეგი თემატური მასალა →ლევან ჭოტორლიშვილი: გაზის აფეთქება, ავტოავარიები ყველა ქვეყანაში ხდება, მაგრამ საქართველო არის ერთადერთი ქვეყანა სადაც ოპოზიცია როგორც ხავსს ისე ეპოტინება ნებისმიერ უბედურ შემთხვევას

საძიებო სისტემა

აკრიფეთ მინიმუმ 2 სიმბოლო სწრაფი ძებნისთვის ან დააჭირეთ Enter-ს