ᲣᲡᲢᲐᲠᲘ.ᲝᲜᲚᲐᲘᲜ ᲡᲐᲘᲜᲤᲝᲠᲛᲐᲪᲘᲝ ᲡᲐᲐᲒᲔᲜᲢᲝ
ამბავი პირველ ადგილზე.სიტყვის თავისუფლება პასუხისმგებლობაა
უცხოეთი2 წთ საკითხავი👁 10

POLITICO: ევროკავშირი ფარულად ემზადება ყველაზე ცუდი სცენარისთვის - ჰიბრიდული თავდასხმისთვის, რასაც დიდი მსხვერპლი მოჰყვება

POLITICO: ევროკავშირი ფარულად ემზადება ყველაზე ცუდი სცენარისთვის - ჰიბრიდული თავდასხმისთვის, რასაც დიდი მსხვერპლი მოჰყვება
USTARI.GE არქივი
ტექსტის ზომა:16px

მოკლედ მთავარზე · USTARI BRIEF

  • ევროკავშირის წევრი ქვეყნების დედაქალაქები ფარულად განიხილავენ, როგორ უნდა იმოქმედოს ბლოკმა იმ შემთხვევაში, თუ მასშტაბური ჰიბრიდული თავდასხმის შედეგად რამდენიმე ადამიანი დაიღუპება. ინფორმაციას POLITICO ევროპელ დიპლომატებზ…
  • მასალა გადამოწმებულია „უსტარის“ სარედაქციო სტანდარტის შესაბამისად.

ევროკავშირის წევრი ქვეყნების დედაქალაქები ფარულად განიხილავენ, როგორ უნდა იმოქმედოს ბლოკმა იმ შემთხვევაში, თუ მასშტაბური ჰიბრიდული თავდასხმის შედეგად რამდენიმე ადამიანი დაიღუპება. ინფორმაციას POLITICO ევროპელ დიპლომატებზ…

ევროკავშირის წევრი ქვეყნების დედაქალაქები ფარულად განიხილავენ, როგორ უნდა იმოქმედოს ბლოკმა იმ შემთხვევაში, თუ მასშტაბური ჰიბრიდული თავდასხმის შედეგად რამდენიმე ადამიანი დაიღუპება. ინფორმაციას POLITICO ევროპელ დიპლომატებზე დაყრდნობით ავრცელებს.

ხუთი ევროპელი დიპლომატისა და ოფიციალური პირის განცხადებით, ასეთი სცენარი სულ უფრო რეალური ხდება. თუმცა, აღნიშნული მზადება ევროკავშირში უთანხმოებასაც აჩენს, კერძოდ, რამდენად დიდი როლი უნდა ჰქონდეს ევროკავშირს უსაფრთხოების საკითხებში და რამდენად არ იქნება მისი მოქმედებები ნატოს საქმიანობის დუბლირება.

POLITICO-ს ინფორმაციით, „კოშმარული სცენარის“ შესახებ მოლაპარაკებები ბოლო კვირების განმავლობაში ევროკავშირის 27 წევრი ქვეყნის ელჩებს შორის მიმდინარეობდა ე.წ. „შეზღუდულ ფორმატში“. შეხვედრებზე მათ არც ტელეფონები და არც თანაშემწეები მიჰყავთ.

დიპლომატებისა და ოფიციალური პირების განცხადებით, კონსულტაციები განსაკუთრებით გააქტიურდა მას შემდეგ, რაც აგვისტოში ლაიფციგის აეროპორტში ასაფეთქებელი ნივთიერებებით დატვირთული დრონი აღმოაჩინეს.

ევროკავშირი მსგავსი სცენარების განხილვას წლებია ახორციელებს. ბლოკს უკვე აქვს ე.წ. „ჰიბრიდული ინსტრუმენტების“ სისტემა, რომელიც კიბერშეტევებზე, არჩევნებში ჩარევასა და დივერსიებზე ერთობლივი რეაგირების კოორდინაციას ითვალისწინებს.

თუმცა, ბოლო შეხვედრებზე ყურადღება უფრო მძიმე სცენარებზე გამახვილდა - თავდასხმებზე, რომლებმაც შესაძლოა დიდი რაოდენობით მსხვერპლი გამოიწვიონ. ორი დიპლომატის ინფორმაციით, გასულ ოთხშაბათს ევროკავშირის ელჩების შეხვედრაზე სწორედ ასეთი შემთხვევები განიხილეს.

რუსეთის მიერ უკრაინაში სრულმასშტაბიანი ომის დაწყების შემდეგ ევროკავშირი აცხადებს, რომ მოსკოვმა ბლოკის ტერიტორიაზე კიბერშეტევების, დივერსიებისა და სხვა ფარული ოპერაციების კამპანია გააძლიერა.

„ევროპის დემოკრატიები მზარდი რაოდენობის საფრთხეებს აწყდებიან“, - განუცხადა POLITICO-ს ევროკომისარმა მართლმსაჯულების საკითხებში მაიკლ მაკგრატმა.

მისი თქმით, ევროკავშირი აძლიერებს საფრთხეების წინასწარი განჭვრეტისა და გამოვლენის შესაძლებლობებს, აუმჯობესებს ადრეული გაფრთხილების სისტემას და ცდილობს უზრუნველყოს, რომ ევროპის დემოკრატიული მდგრადობის გამოცდის შემთხვევაში ბლოკმა სწრაფად და ერთობლივად შეძლოს რეაგირება.

ევროკავშირის დიპლომატებსა და მინისტრებს შორის განხილვის ერთ-ერთი მთავარი საკითხია საგანგებო სიტუაციებზე რეაგირების ჯგუფების ამოქმედება, დაზარალებული სახელმწიფოს დასახმარებლად ევროკავშირის ფინანსური რესურსების ნაწილის სწრაფად მობილიზება და ის, თუ როგორ უნდა გააკეთონ განცხადებები ევროკავშირის ინსტიტუტების ხელმძღვანელებმა, განაცხადა ევროკავშირის ერთ-ერთმა ოფიციალურმა პირმა.

„რაღაც სერიოზულისთვის მზად უნდა ვიყოთ“, - განაცხადა ევროკავშირის მაღალი რანგის დიპლომატმა.

მისივე თქმით, ლაიფციგის შემთხვევამ აჩვენა, რომ „ძალიან სერიოზული ინციდენტი, რომელსაც შესაძლოა რამდენიმე ადამიანის დაღუპვა მოჰყვეს, გამორიცხული არ არის“.

ევროკავშირის კიდევ ერთმა ოფიციალურმა პირმა განაცხადა, რომ რუსეთის მოქმედებების მასშტაბისა და ხასიათის გათვალისწინებით, მსხვერპლის შემთხვევები „ადრე თუ გვიან გარდაუვალია“.

„უბრალოდ იღბალია, რომ ეს ჯერ არ მომხდარა“, - აღნიშნა მან.

როგორ შეაფასებთ მასალას?
შენიშნეთ ფაქტობრივი ან ტექნიკური უზუსტობა?აცნობეთ რედაქციას
← წინა თემატური მასალადათა გვასალია: ვინც სააკაშვილს პოზიციას შეაცვლევინებდა, მისივე გარე პატრონია. როგორც ჩანს, გარე პატრონებმა ჩათვალეს, რომ ისედაც კრიზისში მყოფი აგენტურის შიგნიდან, სააკაშვილის მიერ დამატებითი ჩაწიხლვა საქმეს კიდევ უფრო აფუჭებდა. შესაბამისად, სააკაშვილსაც თითი დაუქნიეს და მკაფიო მითითება მისცეს "შეწყვიტე კრიტიკა, ახლა მოფერების დროა" და მიშამაც არ დააყოვნაშემდეგი თემატური მასალა →ლევან ჭოტორლიშვილი: გაზის აფეთქება, ავტოავარიები ყველა ქვეყანაში ხდება, მაგრამ საქართველო არის ერთადერთი ქვეყანა სადაც ოპოზიცია როგორც ხავსს ისე ეპოტინება ნებისმიერ უბედურ შემთხვევას

საძიებო სისტემა

აკრიფეთ მინიმუმ 2 სიმბოლო სწრაფი ძებნისთვის ან დააჭირეთ Enter-ს