ᲣᲡᲢᲐᲠᲘ.ᲝᲜᲚᲐᲘᲜ ᲡᲐᲘᲜᲤᲝᲠᲛᲐᲪᲘᲝ ᲡᲐᲐᲒᲔᲜᲢᲝ
ამბავი პირველ ადგილზე.სიტყვის თავისუფლება პასუხისმგებლობაა
უცხოეთი2 წთ საკითხავი👁 14

AXIOS: ზელენსკიმ სენატორებს სთხოვა ტრამპზე ზეწოლა მოახდინონ

AXIOS: ზელენსკიმ სენატორებს სთხოვა ტრამპზე ზეწოლა მოახდინონ
USTARI.GE არქივი
ტექსტის ზომა:16px

მოკლედ მთავარზე · USTARI BRIEF

  • უკრაინის პრეზიდენტმა ვოლოდიმირ ზელენსკიმ სენატორთა ორპარტიულ ჯგუფს მოუწოდა, აშშ-ის პრეზიდენტის დონალდ ტრამპის ადმინისტრაციას სადაზვერვო ინფორმაციის გაზიარებისა და იარაღის მიწოდების სავარაუდო შეზღუდვების მოხსნისკენ მოუწოდ…
  • მასალა გადამოწმებულია „უსტარის“ სარედაქციო სტანდარტის შესაბამისად.

უკრაინის პრეზიდენტმა ვოლოდიმირ ზელენსკიმ სენატორთა ორპარტიულ ჯგუფს მოუწოდა, აშშ-ის პრეზიდენტის დონალდ ტრამპის ადმინისტრაციას სადაზვერვო ინფორმაციის გაზიარებისა და იარაღის მიწოდების სავარაუდო შეზღუდვების მოხსნისკენ მოუწოდ…

უკრაინის პრეზიდენტმა ვოლოდიმირ ზელენსკიმ სენატორთა ორპარტიულ ჯგუფს მოუწოდა, აშშ-ის პრეზიდენტის დონალდ ტრამპის ადმინისტრაციას სადაზვერვო ინფორმაციის გაზიარებისა და იარაღის მიწოდების სავარაუდო შეზღუდვების მოხსნისკენ მოუწოდონ. ინფორმაციას AXIOS-ი ავრცელებს.

უკრაინელი ოფიციალური პირების განცხადებით, ტრამპის ადმინისტრაციამ ეს შეზღუდვები ჩუმად, საჯარო აღიარების გარეშე დააწესა, რათა ზელენსკიზე ზეწოლა მოახდინოს და აიძულოს, დათანხმდეს ომის დასრულების ისეთ შეთანხმებას, რომელიც რუსეთის მიმართ დამატებით დათმობებს ითვალისწინებს. ტრამპი და თეთრი სახლის წარმომადგენლები კი უარყოფენ, რომ უკრაინისთვის რაიმე შეზღუდვა დაწესდა.

როგორც AXIOS-ი წერს, კრიზისი დაახლოებით 10 დღის წინ დაიწყო, როდესაც ტრამპმა რუსეთთან დიზელის მიწოდების შესახებ შეთანხმება გამოაცხადა. ეს უკრაინელ და ამერიკელ წარმომადგენლებს შორის მაიამიში გამართული მოლაპარაკებების პარალელურად მოხდა.

უკრაინული მხარის მტკიცებით, ტრამპის სპეციალურმა წარმომადგენლებმა სტივ უიტკოფმა და ჯარედ კუშნერმა უკრაინელებს განუცხადეს, რომ თუ კიევი რუსეთის ნავთობგადამამუშავებელ ქარხნებზე თავდასხმების შეწყვეტის მოთხოვნას არ შეასრულებდა, ვაშინგტონი შესაძლოა უკრაინისთვის სადაზვერვო ინფორმაციის გაზიარებასა და იარაღის მიყიდვას შეწყვეტდა.

ამერიკელმა ოფიციალურმა პირებმა ასეთი მუქარის არსებობა უარყვეს. მათი განცხადებით, უიტკოფმა და კუშნერმა უკრაინულ მხარეს უთხრეს, რომ აშშ უკრაინის ძლიერი პარტნიორია და მას საბრძოლო მასალითა და სადაზვერვო ინფორმაციით ამარაგებს, თუმცა კიევმა ისეთი მოქმედებები არ უნდა განახორციელოს, რომლებიც ამერიკელ მომხმარებლებს ზიანს მიაყენებს.

სენატორ თომ ტილისისა და „დემოკრატი“ რიჩარდ ბლუმენტალის ხელმძღვანელობით გამართულ ვირტუალურ შეხვედრაზე უკრაინის პრეზიდენტმა იმ სირთულეებზე ისაუბრა, რომლებიც, მისი თქმით, მაიამიში გამართული მოლაპარაკებების შემდეგ წარმოიშვა. შეხვედრის სტენოგრამა AXIOS-მა უკრაინელი ოფიციალური პირებისგან მოიპოვა.

ზელენსკის განცხადებით, ილონ მასკის კომპანია SpaceX-ის Starlink-ისა და აშშ-ის სამხედრო სატელიტური სისტემის, Starshield-ის, მუშაობა კვლავ ნაწილობრივ შეზღუდულია, მიუხედავად თეთრი სახლის საპირისპირო განცხადებებისა.

„ამ დრომდე არ გვაქვს ამის ახსნა. სამწუხაროდ, მხოლოდ სხვადასხვა უცნაურ ვერსიას ვისმენთ“, - განუცხადა ზელენსკიმ სენატორებს. მისი თქმით, შეზღუდვები უკრაინას რუსული დრონების ჩამოგდებაში უშლის ხელს.

უკრაინის პრეზიდენტის განცხადებით, გასული კვირის განმავლობაში, მათ შორის კვირა დღეს უკრაინას აშშ-ისგან რუსეთის ბალისტიკური სარაკეტო დარტყმების შესახებ წინასწარი გაფრთხილება არ მიუღია. ზელენსკის შეფასებით, ეს შესაძლოა სადაზვერვო ინფორმაციის გაზიარების შეზღუდვაზე მიუთითებდეს.

„ვაშინგტონისგან მკაფიო ახსნა არ მიგვიღია, რატომ ხდება ეს“, - აღნიშნა მან.

როგორ შეაფასებთ მასალას?
შენიშნეთ ფაქტობრივი ან ტექნიკური უზუსტობა?აცნობეთ რედაქციას
← წინა თემატური მასალადათა გვასალია: ვინც სააკაშვილს პოზიციას შეაცვლევინებდა, მისივე გარე პატრონია. როგორც ჩანს, გარე პატრონებმა ჩათვალეს, რომ ისედაც კრიზისში მყოფი აგენტურის შიგნიდან, სააკაშვილის მიერ დამატებითი ჩაწიხლვა საქმეს კიდევ უფრო აფუჭებდა. შესაბამისად, სააკაშვილსაც თითი დაუქნიეს და მკაფიო მითითება მისცეს "შეწყვიტე კრიტიკა, ახლა მოფერების დროა" და მიშამაც არ დააყოვნაშემდეგი თემატური მასალა →ლევან ჭოტორლიშვილი: გაზის აფეთქება, ავტოავარიები ყველა ქვეყანაში ხდება, მაგრამ საქართველო არის ერთადერთი ქვეყანა სადაც ოპოზიცია როგორც ხავსს ისე ეპოტინება ნებისმიერ უბედურ შემთხვევას

საძიებო სისტემა

აკრიფეთ მინიმუმ 2 სიმბოლო სწრაფი ძებნისთვის ან დააჭირეთ Enter-ს